خبرلرده گلمیشدی مرتضی فرامرزی سولدوز فرمانداری سینین سرپرستی و عاباس حسنخانی اورمونون فرمانداری تعیین اولوب لار. البته عاباس حسنخانی بوندان قاباخدا خانا و چالدران شهرلرینین فرمانداری اولوب دور.
آمما بیر چوخ دوستوموز بونلارین کورد اولدوق لارینا گوره نگران چیلیق لاری وار و بعضاً منه یازیبلار بو قونودا یازی یاز. من ده ایجابتا مختصرده اولموش اولسا بیر نچه نوکتیه ایشاره اتمه ک ایسته ییرم :
بیر- نورمال شرایط ده آزربایجانین قربینده یاشیان لار هم تورک و هم کورد جمعیتین دن دیر و بیر یا بیر نچه کورد وطن داشین دئولت ایستاتوسون داشیماق بعید بیر شئی دئیل و نرمال دیر ، آنجاق منطقه نین حساس لیقی و عمومی نگران چیلیق لار و کورد تروریسمینین منطقه ده اولماسی خالقی و فعال لاری حساس ائدیب و بو حساسیت چوخ دوغرودور.
ایکی - کورد مسئول لارین فئودالی عمل لری و هر یرده اولدوق لاریندا کوردلری گتیریب اللری آلتیندا ایستیخدام اتمه لری دوغرودور و سابیقه سی هر یرده خالقیمیزا آیدین دیر و بو اوزدن فعال لار بو مسئلیه حساسیت گوستریرلر.
اوچ - تورک مسئول لار عمومیت ده میللی ماراخ لارا جهد گوسترمیللر و میللی ماراخ لارلا علاقه لی دییلر بو اوزدن کوردلرین ایش اوستونه گلمه لری و کورد توپلومونون فئودالی یاپیسیندان دولایی کورد مسئول لارینین نیروی اینسانی قونوسوندا مافیایی سابقه لری حساسیت لر و نگران چیلیق لارا آرتیریر.
دورد - اصلاح طلب قروپ لارین گچمیش ده کی سابقه لری و کورد قروپ لار و پان ایرانیست قروپ لارلا ایش بیرلیک لری داهادا نگران چیلیق لاری آرتیرماق دادیر.
بش - کورد استان دار قربی آزربایجانا سچیلمیشدیر آنجاق میللی حرکتین دویارلیقی بونا مانع اولدو . بو اوزدن گوزله نیردی بو شکستین مقابلینده فارس دئولتی سیاس لیق لا دیگر وسیله لردن اوز مقصدینه چاتماقا چالیشسین و بو تشبثات منجه بو نوع دان دیر و ایندی که ، دیره ک اولاراق ان باش مسئولیتی کورد آزینلیقینا وره بیلمه ییبلر دولایی یوللاردان نفوذ لارین چوخاتمایا جهد گوسته ریللر.
نتیجه : حال حاضیردا و ایندیکی شرایط ده و بونو نظرده آلماق لا کی یاخلاشیق اون آلتی فرمان دار قربی آزربایجان ولایتینده آدی گجه ن شخص لردن سونرا دییشیم سیراسین دادیلار و معلوم آزینلیقین سهمی هر آن طبیعی سهم لرین دن چوخ اولا بیلر ، بو اوزدن میللی فعال لار مسئلیه حساسیت لرین ایتیرمه مه لیدیلر و گرکیر قونونو دقیق رصد ائدیب و شرایطین کونترول دان چیخماسین انگل له سین لر. بونوبیلمه لیک دورودوقوموز زامان دا شرایط فاجعه لی دئیل آنجاق هر بیر آنی و نورم دان اشیک ده اولان دوروم دا فاجعه قاپیمیزی چالار . بو اوزدن حساسیت لریمیزی قورویب و منطیق لی اعتیراض لاریمیزا دوام اتمه لیک . بو قونودا هر شی دن اونملی بیلگیلری خالقیمیزا چاتدیریب و دئولت اورقان لارینا هر بیر وسیله ایله کی ایمکانیمیزدا وار اعتراض اتمه لیک .
تایماز اورمولو
