۱۳۸۹ آذر ۲۱, یکشنبه

ييرمي بير آزر موناسيبتيله – سؤهراب طاهير


سؤهراب ابولفز اوغلو طاهيري 1926-جي ايل مايين 27-ده گونئي آذربايجاندا (بو تايداکي آستارادا) دونيايا گليب. ايلک شعريني گونئي آذربايجاندا آزادليق حرکاتي نين قيزغين چاغلاريندا چاپ ائتديريب. او زامان چوخ گنج اولان سؤهراب گله جک دؤيوشلره حاضيرلانماق اوچون سئييد جفر پيشوري نين رهبرليگي ايله گونئي آذربايجاندا ياراديلميش ميللي هؤکومتين قرارينا اساسن قوزئيهباکيدا حربي مکتبده تحصيل آلماغا گؤندريليب. لاکين ميللي حرکاتين تئزليکله و غدارجاسينا بوغولماسي اوجباتيندان او، گئري قاييدا بيلمه ييب. س.طاهير بير ده 30 ايل سونرا گونئي آذربايجاني گؤره بيليب. س.طاهير 1957-جي ايلده باکي دؤولت اونيوئرسيتئتي نين فيلولوگييا فاکولته سيني، 1965-جي ايلده ايسه موسکوادا ماکسيم قورکي آدينا ادبيات اينستيتوتونون ايکي ايلليک کورسونو بيتيريب. 1956-جي ايلده « آي ايشيغيندا» آدلي ايلک شئير کيتابي باکيدا نشر اولونوب. سونراکي ايللرده چوخلو شعر و نسر کيتابي چيخيب. آذربايجان يازيچيلار بيرليگي نين عوضوودور. گونئي آذربايجان حسرتي، آذربايجانين ايکييه بؤلونمه سي فاجيعه سي س.طاهيرين ياراديجيليغي نين باشليجا مؤوزوسودور.

سؤهرابين ان گوزل شيعرلريندن بيري بدباخت سعادت آدلي قوشماسيدير و ييرمي بير آزر حركاتينا گوره دييليب :
دردی درد اولمـــــــــــوش ائلینــده منــــــه
آغلادیم بیر ناشــــــی گـــــــــــولنده منـــــه
هئـــــچ کیم آغــــــــــلاماسین اؤلــــنده منه
من هئچ واخت ، هئچ زامان اؤلمه رم داها

آزاد قارداشیم وار ، اونونلا خوشــام
من گرک ساحیلی ساحیله قوشــــــام
ایکی بؤلونمکدن ائله قورخموشــام
چؤپوده ایکی یه بؤلمه رم داهــــــا

دنیزلـــــــر دریالار منه دایـــــــازدیر
ان درین بیر چای وار او دا آراز دیر
منه گؤروش وئرین ، آزادلیق آزدیر
گؤروشسم آیریلماق بیلمه رم داهــا

منیم سعادتیــــــم هارداسا ایــــــتدی
او آسان گلمیشدی ، آسان دا گئـتدی
منه نه ائتدیسه سعـــــادت ائتـــــدی
بد بخت سعادته گولمه رم داهــا ...

سؤهراب طاهير، آذربايجانين گؤرکملي، جوشقون قوشوقچوسو، سؤز اوسدالارينداندير. سايين اوخوجولار، سؤهراب بيين، ان ديرلي سايديغي ايشلريندن اولان بو ايشيني، ايکي ياسمادا (نوسخه ده) سيزلره سونوروق. آتا پوئماسي ايکي قاپيدان اولوشور. بيرينجي ياسما: ابجد آلفابئتي: بيرينجي قاپي گؤيجه يازيلار ييغماسيندا باسيلميش.ايکينجي قاپي، سؤهراب بيين ال يازماسيدير. ايکينجي ياسما: کيرئلجه باسيلميشديري.

Birinci qapı: Ərəb əlifbasında
Kitabın adi: ATA POEMASI
Yazar: Söhrab Tahir
Biçim: PDF
Ölçü: 1.61 Mb
Dil: Türkcə / Ərəb əlifbasında

İkinci qapı: Ərəb əlifbasında
Kitabın adi: ATA POEMASI /Əl yazıları
Yazar: Söhrab Tahir
Biçim: PDF
Dil: Türkcə / Ərəb əlifbasında
ENDİR/DOWNLOAD

Kiril Əlifbasında
Kitabın adi: ATA POEMASI
Yazar: Söhrab Tahir
Tarıx: 2000
Biçim: PDF
Dil: Türkcə/ Kiril
ENDİR/DOWNLOAD

هیچ نظری موجود نیست:

ارسال یک نظر

از اينكه نظرات خود را با رعايت ادب و احترام به ساير خوانندگان وبلاگ مي نويسيد متشكرم