اگر اوسته گچن آدلاري تانيمير
من: ۴۰ ياشيندايام؛ ليسانسيم وار٫ ۱۴ – ۱۵ ايل ايش سابيقه سينن سونرا هله بيلميرم ايشيم نه دي؟ كيمه ايشليرم؟ ،نچه آليرام؟ و سايره.
ساسي مانكن: تلسمه يين اگر بو بؤيوك شخصييتي بو تز ليكده سيزه تانيدديرسام قورخورام آخيرا كيمين بو جيزما قرني اوخومياسيز.
كروبي: معروفدي شيخ اصلاحاتا، اگر بو دفعه رييس جمهور اولسا تورمي دا حسابلييب و هرميزه ۷۰ مين تومن پول ورجاق؛ آيري آيري كرامت لريده وار كي دميه جم! چوخ كويليز ايستير زخمت چكين اوزوز بير آراشديرين.
حاجي پيرلو: اورمو يا ياپيشيق بير كتدي كي اورانين سينيخچيلاري و بويو جولري مشهوردي، بير آدام قوخسا و يا ذوق و شوقدن ديلي توتولسا قوردون قوروتولموش اللرينن اونا شوك واريد الييپ، ديلين آچاللار.
آمما اصل مطلب:
۶-۷ گون بوننان قاباخ BBC تلوزيونونا گجه چاغي باخيرديم. مسعود بهنود ساسي مانكن له كروبي نين گوروشمه سيننن دييردي. من اوز يانيمدا ساسي مانكني بير آوروپايي يا آمريكالي ديپلومات فرض اتديم. خبر ده آيرينتيلي اولمايينجا دوزون خبر آلساز سريمساغيم دويولي قالدي. باشلاديم تلفونلاشمايا؛ آمما اللاه گورستمسين منيم ده دوسلاريم منن بتر . كيمسه نين علم رجالي يتمدي و من قورخويا دوشدوم اولميا بو شخصييتي تانيمادان فاني دونياني ترك اده جيم. ممكيندي سوروشاسيز سنده بيزيم آقاي خاتمي كيمين اله بيل كي ايكي قيرانليغين ايريدي! ۷ گون گچيپ هله تزه ياديان دوشوب بيزه ساسي مانكني تعريف ليه سن. آخي جناب گفتگوي تمدنها بير هفته چكدي او كذايي ويديوني يالاننيا. جوابدا دمليم والله باشيما اويون قالمادي گلمه سين ؛بير آ‍زحوصله اليين عرض الييم.
مخلص كلام دوسلاردان اوميديم كسيلديكدن سونرا ياديما دوشدي اله او جنابين شخصي سايتينا باش وورام.سايت اصلاح طلبان عمل گرا،تغيير، تايپ اديب و خبرين تاييدين گوردوم ،بيرده آغانين بير قازته جي خانيم حيراني بير غرا و مفصل مقاله مرقوم بويورموشلار. آغاما عرض الييم كشف اولوندي كي جناب ساسي مانكن چوخ ديرلي رپ خواننده سي ميش. وجناب كروبي براي اينكه ملتيميزين بو حيسسه سي يعني رپ و ساچلاري بيز بيز دوران ، توماني … وتلرينن دوشن جاوانلاري اوزونه جلب الييب و آيندده قورآن اوخويان و يا مرثيه ديه نه چويرسين قبول زحمت بويوروب و ديرلي واقتلارين او جوانين ايختياريندا قويوبلار. آغا! دا من بو قدر حساسيت دن، بو قدر خلاقييت دن، بو قدر ذوق هنريدن، بوقدر مد روز اولماقدان ذوق المييم، شوق المييم، بس نه اديم.
بير نچه گونده قاباغ او شيخ محترم مسعود بارزانينن بير فتورافين جهت جلب آراي برادران كورد يايينلاتميشدي. بو كيشينين كي ياخين زامان بوندان قاباغ ايران مملكتينين رييس مجليسيدي بو قدر سياسي دوشونجه يه صاحيب اولماسي منده بير ايرانلي اولاراق اله بير غيرور، اله بير سوينج، اله بير ذوق و شوق ياراتديكي ياواش ياواش بيله مه شوك گلمه يه باشلادي. اوز يانيمدا بعضي حركت ملي دوسلاريميزيندا نيه بو قدر شوق و ذوقيلا بو كيشينين منقبت لرينن يازمالارينا آفرين دديم. آغاما عرض الييم كي منده بير آز احساساتي و دويقوسال اولدوغوما گوره، دمه ياواش ياواش ذوق شوقين دوزي منده آرتسين و من اوزومنن چيخيم.
بير زامان گوردوم منده نطوق دا باغلانميش ومن شيدتي اشتياقدان ديليم توتولوب. باشييزي آغريتمييم ساغ اولسون قونشولار ، در حال مني حاجي پيرليه يتريب و بير سيلسيله هاميوپاتي، طب سوزني، طب سنتي و نهايتده قورد اياغي تداويسينن سونرا ساغليغيما قووشدوردولار. و ايندي حضوروضا بو حما سه ني چاتديرماغي فرض گوردوم و او اوزدن بو جيز ما قره ني يازيپ ديرلي واقتينيزي چالديم. بيرداها بو جغرافيادا بله بير ليدر لرين وار اولما سين سيزلره و بيز لره تبريك اديرم.
ساغ اولون وار اولون.
اورمولو تايماز
۰۸/۰۳/۱۳۸۸
