اشاقیداکی یازی سایین اومید اورن صفحه سیندن گوتورموشم . بو یازیدا اومید بی و اکبر پاشایی بئین یازدلیقلارینا گوره میللی حرکتین بیر قیسمی اصلی دوشمان یعنی فارس شونیزمی دئیل بلکه کوردلرله دوشمانچالیق ائدیرلر و ینی جبهه میللی حرکته آچیب لار.
دیگر طرف دن اورمودا نصب اولان تابلولار اورمیه خالقینین ایستگی یوخ بلکه شیعه و سنی داواسی نین دوغرولتوسوندا اولوب و محسن رضایی نین خطی دیر.
لوطفن دوسلار بو مطلبی جیدی اولاراق اوخوسونلار چونکو بو سوزی تکجه اومید بئی دمیر بلکه بعضی سیاسی جریان لارین خطی دیر. نظره گلیر سوئد ه اولان دوسلاریمیز سایین بیلگین ، اویان نیوز و یا خیوو ، میانا اردبیل ائتلافی دوسلاریمیزدا بو سوزو دییرلر. شاید منیم تثبیتیم دوغرو اولمیا و گرجک دن بو دوسلاریمیزین نظری بو اولمیا اگر بله دئیل و آیری نظرلری وار بویورسونلار جواب ورسینلر.
آنجاق سایین اومید ائورن و اکبر بئی پاشایینین یازیسین بوردا درج اتمه دن اوز کامنتیمی اولیه جواب اولاراق بوردا یازیرام سونرا مناسیب فرصت ده مبسوط اولاراق نظریمی یازاجاقام .
"
من مقاله نیزی دقت له اوخودوم . آنجاق کورد لر ایستر فارس لارین اویونونا گلیب لر یا باشقا دئولت لرین سازیلا اوینورلار سونوج دا اونلار بیزیم توپراق لاردا گوزلری وار و دورمادان بیزیم توپراقیمیزی کوردیستان ایلان ائدیرلر. ایندی بیزه فارس فاشیزمی و کورد تروریزمی عینی مسافه ده دیر . سیزین سوزونوز عیناً جوابین قوزی آزربایجانین یاخین تاریخینده بولدو . روس ایستیلاسی آلتیندا اولان قوزی آزربایجان ان بویوک ضربه نی روسلاردان دئیل ارمنی لردن یدی و توپراقینین بش ده بیری ایشغال اولوندو . سیزین فیکیر خطینیز بیزی آنجاق بو دوروما سوخا بیلر. من قطعیاً اینانیرام کورد تروریزمی بولگه نین گدیشاتینا باخارساق پتانسیل خطردن تام رئال بیر خطره دونوشوب و کورد یاییلماسی وطنیمیزی تهدید ائدیر. سیزین بوقونودا تحلیلینیز حقیقتین جایدیریچی اوزون بیزه گورسه دیب غربی آزربایجانی بویوک تهلوکیه سالیر. "
و اما سایین اومید ائورنین یازیسی فیس بوک ثفحه سین دن :
اورمیه ده بیر نئچه خیاوانینا تورکجه تابلو آسیلماسی.
اورمیه ده بیر نئچه خیاوانا تورکجه تابلو آسیلماسی چوخ کیچیک بیر ایش اولسادا، بو ایش شیعه و سنی آدی آلتیندا بؤلگه میزده گئده ن استراتژیک اویونون بیزده کی تظاهورو و یانسماسیدیر.
بو اویونو دویغوسالیقدان اوزاق، بؤلگه میزده گئده ن بویوک اویون کونتکسی و متنی ایچینده اوخوماق گرکیر.
بولگه میزده گئده ن استراتژیک اویونون دیش یانسیماسی و تظاهورو اولان، شیعه و سنی ساواشی نا قاریشان بوتون اؤلکه لر، یوکسک دره جه ده اؤز ایچ سیاستلرینی ده بو بویوک اویون و ساواشا گؤره طراحلیق ائتمکده دیر لر.
بو تابلولارین بو دؤنمده آسیلاماسینی، محسن رضائی نین "مردم آذربایجان آماده باشید عاشورای دیگر در راه است" کیمی چیخیشی و بو بؤنده ایران دوولت نین باشقا چالشمالاری ایله برابر اوخوماق گرکیر. آیرجا ائله بو سیاست لرین بیر پارچاسی اولاراق آذربایجانین چئشیدلی یئرلری، اوزه لیکله مذهبی یئرلرینده ن، عراق دا "شیعه لیگین مقدس یئرلرینی" قورماق اوچون شهید آدایلاری توپلاماق کیمی اولایلاری دا بو متن و کونتکس ایچینده قویماق گرکیر. اونوتماماق لازیمدیر کی شیعه لیک، فارس عیرقچی دوولت چلیغین ان اؤنملی آیاقلاریندا بیریدیر. حتی بونوندا اونوتماماق گرکیر کی آذربایجان تورکلرینین بیلینج آلتینا قدر ایشله میش شیعه لیک بیزیم آسیمیله اولمامیزده ان بویوک پایا صاحیبدیر. آیرجا شیعه لیک ایله عیرقچلیق ایران دا وار اولان استبدادین ان اؤنملی ایکی ستوندور دا.
کوردلرین آذربایجان توپراقلاری ایله ایلگلی ادعالاری اولدوغو بیر یالان دئیل. امما ایران مرکزی یؤنتیمی کوردلری آذربایجانیلارین ان بویوک دوشمنی کیمی گوستره رک ، آذربایجان میللی حرکتی نین آنا خطی اولان فارس شوونیزمیینه و ایراندا وار اولان استبداد ا قارشی دوشمانلیغینی، کورد دوشمنالیغینا چئورمک ایستمه کده دیر. بوردا ایسترآذربایجان میللی حرکتی ،ایسترکورد قوربولار سوروملو داوراناراق بو اویونو پوزمالیدیرلار.
عیرقچی و مذهبی چی ایران دوولتین بونو یاپماسی اوچون الینده اولان ان بویوک ابزار ایسه شیعه لیک و آذربایجانیلارین شیعه اولماسی دیر. آذربایجانیلارین ایران دوولت سیستمینده اؤز ائتنیک کیملیکلرینی داناراق ایسته دیکلری مقاما گله بیلمه لری بو قونودا بیزیم اوچون بویوک بیر گوسترگه دیر. یانی بیزایران دوولتین اساس ایکی ستونوندان بیری اولان فارس عیرقچلیغی حاقیندا سوسارساق و دیگر ستونو اولان شیعه لیگی قبول ائدرسه ک ایران دا ایسته دیگیمیز مقاما گله بیله ریک. بو دوروم بیزه ایران دوولتی نین وئردیگی اؤنملی بیر مئساژ دیر، کی تورک ایله فارسی بیر-بیرینه باغلایان شیعه لیک آدیندا بیر ایناج سیستمی وار. امما تورک ایله کوردو بیر-بیرینه باغلایان هئچ بیر شئی یوخدور. بو تامامن چوخ یاخجی طراحلیق اولموش ویا داها دوغروسو تاریخی سورجده گلیشمیش بیر دورمو و بوگونکو حال ایله بیر اویوندور.
بو اویون هم کوردو، همده تورکو یوخ ائده ن، آسیمیله ائده ن بیر مرکزی یونتیمین اویونودور. بو ازیلن ایکی میلتی بیر –بیرینه قارشی قویاراق چوخ راحاتجا بؤلگه ده کی استراتژیک اویونوندا هر ایکی طرفیده ده قولانماق اویونودور.
دوغال اولاراق کوردلرین بویوک اویوندا اونملی بیر اویونجو کیمی اؤزلرینی اورتایا قویمالاری و بو گوجده ن یولا چیخاراق بعضی کورد قروبلارین مسولیت سیزجه آذربایجان توپراقلارینا یؤنلیک ادعالارینی دا گؤمه میزلیکده ن گلمه مه لییک. امما بونون اوچون توپلوموزون قامو اویونو( افکار عمومی سینی)اساس دوشمانیمیز اولان عیرقچی و استبدادی سیستم یئرینه، کوردلره قارشی یؤنله ندیرمه یه ده حاقمیز یوخدور. چونکو بو توپلوموزو اؤز الریمیز ایله عیرقچی مرکزی یؤنتیمین اویونلارینا آراج ائتمک و توپلموموزون استبدادی ایچسه لشدیرمه سینه یاردیمجلی اولماقدیر.
آذربایجان میللی حرکتی اؤز میللی و کولتوره ل حاقلارینی آلماق اوچون بو اویونلارا گلمه ده ن، مذهب چیلیکده ن و دوولتین بو ِ جهت ده کی اویونلاریندان اوزاق دوراراق مدنی حرکتمیزین آنا خطی اولان عیرقچلیغا قارشی اولماق، دمکراتیک توپلوم و دمکراتیک سیاستی قورومالیدیر.
آذربایجان میللی حرکتی کورد یایلماجی پولیتکالارنیا قارشی قویارکن، دمکراتیک ، بلگه لی و سندلر ایله حرکت ائتمه لی دیر*.
حاقلاریمیزی ساونماق اوچون عیرقچی، مذهبچی مرکزی دوولتین و ایران عیرقچی اپوزسیونون قولاندیغی سؤیلم لرده ن و ادبیاتدان اوزاق دورمالیق. عیرقچی ایران دوولتی نین قولاندیغی دیلین تله سینه دوشموش انیستیتو کرمانج کیمی قروملارین ایرانین گیزلی گوجلری طرفینده ن یؤنله ندریلدیگنی ده بیلمه لیک.
بیر باشقا مسئله ده بودور کی آذربایجان میللی حرکتی ایران دوولتینین بو گونکو سیخیشمیشلیغینی بیر فرصت اولاراق ده یرله ندیریب و اورمیه ده یاپیلمیش بو کیچیک ایش ایله قانع اولمامالی دیر. بو ایشین داها گئنیشله مه سینه، بونون بیر یاسا ویا اداری و شهرجلیک سنتی حالینا دؤنموشمه سینه چالیشمالی دیر. بوایشین باشقا شهرلرده یاپیلماماسی اوچون اورمیه نی بیر قایناق اولاراق گوسترمه لی و نهایتده بو جهت توپلوسال ایستک یارادمالی دیر. بو ایسته لری یئرینه یئترمه ک اوچون یاسال یولاری قولانمایا احتیاجی واردیر. بو ایستکلری اجرائی ائتمک اوچون شهر شورالاری، مجلیس نماینده لری و استاندارلارا مدنی یولار ایله ایستک لر و باسقی لار آرتیرلمالی دیر. دییه دوشونوروم.
* Akbar Pashayi
8 Ağustos • Düzenlendi
اورمیه‌نین کئچن دؤوره شهر شوراسی سئچکی‌لرینده چوخونلوق اولاراق
" اورمو آذربایجان سسی" آدایلاری سس گتیردیلر. اونلارین تبلیغاتی شوعارلاریندا اورمیه‌نین خیاوانلاری و محلله‌لری‌نین تورکجه آدلارینا تابلو وورماق دا وار ایدی.
اورمیه‌نین باشا-باشیندا کوردجه اولاراق هئچ بیر محله، خیابان یوخدور. لاپ بئله «اورارتولار »زامانیندان، بئله آدلارا راس گلمک اولماز. من بیلن ایکی جوهود محله‌سی وار ایدی ؛بیری‌نین آدی حازاران (خزران) ایدی.
اوندان سورا خیاوان و محله‌لرین آدین بوتونویله تورکجه‌دیر.
آذربایجان شهرلری محله‌لری و خیاوانلاری‌نین تورکجه آدلارینا تابلو وورماغی باشقا شهرلرده ده گرچکلشدیرمک اولار.تبریزی ده قویون بیرینجی نؤبه‌یه!
تبریزین شهر شوراسین دا میللی ماراقلی نئچه نفر وار؟
تبریزده راهنمایی مسیریندن ائل گؤلویه گئدنده « ائل گؤلو» تابلوسو وار.
اوندا ائل همزه " ئ" ایله یازیلمیش. همن " ئ " تورکجه یازیلیمی اورتوگرافیسی اوچون اؤنملی اولدوغوندا اورمیه‌ده نصب اولونان تورکجه تابلولار بیر شهرین تاریخی کیملیینی تثبیت ائدیر. یادینیزدا اولسا همن بو شهر شوراسی اورمیه‌نین آدینی
«ارومیه‌دن// اورمیه‌یه ده چئوریرمه‌یه قول آتدی»
اورمیه قونوسوندا و کورد یاییلماجی گروپلارین ایددیعالاری و آپاردیقلاری سیاستین قارشیسیندا همن بو تابلولار ترسه شاپالاق کیمی بیر حرکت ایدی.بعضن او قدر تروریست‌لر-تروریست‌لر گلدی‌لر دئییلیر یادیمیزدان چیخیر بیر میلیونلوق نفوسو اولان اورمیه‌ده تکجه بیر محلله‌نین ده آدی کوردجه دئییل.
موصل‌دن ده 50 مین نفر مسیحی اورمیه‌یه گلمیر. بونا دا آرخایین اولون...!
