Longest night of year (20-21 December) called “Chille” in Turkish calendar, it is celebrated by Turks and those who adubted the cultur from Turks. Watermelon has special meaning at this night, also famous Azerbaijani nuts (Ajil) and seeds served after 10:00pm
Qaraqaşqa wishes you a happy “Chille Gecesi
گج ده اولموش اولسا ينه چيل له گجه نيز موتلو اولسون
ياشام موجاديله سي و بعضي پروبلم لردن دولايي دونن گجه اينترنته باش وورمايا ايمكانيم اولمادي . بو اوزدن بير گون سونرا بو گجه ني هركسه تبريك دييب موتلولوق لار و اسن ليك لر دلييرم .
آمما چيل له گجه سي آزه ربايجانيميزدا نجه قوتلانير؟
بو گجه كي ايلين ان اوزون گجه سيدير گويا مين ايل لر بوندان اونجه دن قوتلانير و بو جشن بشرين سويوق و بوز دووروندن قورتولوشون جشنيدير. اوزون زامانلار يه ر كوره سي بوز و بوران اسيريميش ، بوزامان سوره جينه بوز دووري آدي وريليب . بو گجه آصليندا قيشين رسمي باشلانيش گجه سيدير يالنيز بو گجه دن ياواش ياواش گجه نين زاماني قيستالاشمايا باشلييب و عيني زاماندا گوندوزون زاماني چوخالملقا باشلايير . فارسلار بو گجه يه يلدا گجه سي(شب يلدا) ديه رلر. آمما يلدا آصليندا بير توركجه سوزودور و بونون آصلي ييلدا كلمه سيندن يعني ايلده بير گجه كي يالنيز ايلده بير گجه ايتيفاق دوشر. دا يلدا سوزجوگونده آرتيرماق پسونديدير . بو گجه ني تورن مراسيميندن بيري بودور كي آداخلي اولان قيزا اوغلان طرفيندن هديه خونو گونده ريلر. خوندا قويولان هديه لر ايچينده شيرنيات ، چرز(آجيل ) ، قوماش (پارچا) ، ميؤه خصوصن قارپيز ، نار ، آلما قويولار. بو خونا آينا آيدينليك اوچون قويولار. ايلك آخشام هديه لر و خون اوغلان ائوينده آماده اولوب و شنليك له قيز اوينه چيخارديلار. سونرا قيز ائوينده گلينين آناسي خوني داشيانلارا انعام عينوانيندا جوراب ، دستمال و بعضن پول وره ر. بير ياشيندا اولان يني آيله لر كي ايلك چيل له گجه لرين گچيريلر بير آز فرقلي بو مراسيمي گچيرللر. چيل له آخشامي قيزين آتاسي ، دامادين اوينه قارپيز ، نار ، آلما بير قواره كوينك ليك پارچا و بعضن بير جوت باشماق گونده رر .
گچميشده بو گون كيمين ماشين و ايرتيباطات اولماديقينا گوره يايدان چيل له قارپيزي سچيليب و ائولرده قوزي داملاردا تور دان و اودانين تاوانيندان ( سقفيندن ) آسلاناراق ساخلانيليردي . بعضنده قارپيزلاري سامان ايچينده ساخلارديلار. بيزيم اورمودا آيله لر طايفانين بويوگي ائوينده ييغيليب و بو گجه ني لطيفه ، ناغيل و چاليب اوينامايلا قوتلارلا . بو گجه ده اورمونون مخصوص جويز ( گيردكان) و هويج حالواسي قوناقلارا ايكرام اولار. چرز ، چشيتلي ميؤلر، سوجوق و قوون تورشوسو ،اوزوم تورشوسو و... سونولار. اؤين بويوگو قارپيزي كسنده ديه ر :قادا بلاميزي كسديك. بو گجه د ن آرتيق قالان ميوه قابيقلاري گچميشده آخار سويا بيراخارديلار. همچنين خانيملار كيچيك چيل له چيخمايينجا ائوين توزون توكمزلر ديلر.
