ارمنیستان بایراقینین تیراختور موسابیقه سینده نه ایشی واردی ؟!

تیراختور تیمی و اونون اونه می ، میللی حرکتین گئدیشاتیندا هر گون آرتیب و بو گون میللی حرکتین تاریخینده چوخ بویوک رول اویناماق دادیر. گئچه ن اون گون ده تیراختور- الجزیره آسیا لیگاسینین قارشیلاش ماسین دا آچیلان "گونئی آزربایجان ایران دئیل " پانکاردی ، میلتیمیزین طالئعینین به لیرله نمه سینده دونوم نوقطاسی کیمین دیه رله ندیریلمه سی ، یه رلی  دیر و آبارتیلمیش اولماماسی دونن جوما ایسفند (بایرام آیی) 18نجی گونو ایستیقلال – تیراختور موسابیقه سینده ایثبات اولوندو.

فارس لار ، ایشغالچی ارمنی لرین بایراقین ایستادیوم دا آچدیلار. بو بسیط ، ساده و سیرادان بیر اولای دییلدیر. بو فارس مفکوره سی ، ایرانچیلیق و فارس دئولت چیلیقینین آزربایجان و تورک لره دویدوقو حیسیات و یه ریتدیگی سیاستین چیپلاق گوسته رگه سیدی.

ارمنستان بایراقینین آچیلماسی ایرانچیلیقین هر جوره سوی قیریم و ایشغالچیلیقین ، آزربایجان علیهینه اولان ایتیفاق لاردا آکتیو رول آلماسینین گرچک به لیرتیسیدی. شرف سیز جه یامان لار و سویوش لر تورک آزربایجان لیلار علیهینه اون مین لرجه فارسین طرفیندن بو موسابیقه ده و بو سیلوقانلارین آیدین جا ایرانین میللی تلویزیاسیندان یاییم لانماسی هئچ بیر شوبهه آرخاسیندا بیراخمیر و کیمسه ائده بیلمه ز بونو اورت پاس ائتسین .آرتیق بیر طرف ده فارس لار و اونلارین موتفیقلری و بیر طرف ده آزربایجان تورک لری واردیلار.بایراق اولایی پاکت ده اولان بیر سوزدن عیبارتیدی ، آزربایجانین قوزئیی و گونئی یوخدو ، آزربایجان لیلار آرازین هر ایکی طرفینده فارس و ارمنی دوشمانیدیلار.

 یاخین دا گره ک  پ ک ک ، پژاک و کومله نین ده بایراقلارینین آچیلماسین دان شاشیب ، تعجبوب لانمیاق.بو اولایین باشقا اتگیلری و موخاطب لری ده واریدی :

1- سول دوشونجه لی مرکز چی کمونیست فعال لار: کوردلره  سمپاتی دویان بو اینسانلار و هر فورصت دن ایستیفاده ائدیب ایران گلوبال و آذربایجان سیته سینده میللی حرکتی فاشیست گوسته ره ن کمونیست کولن اوجاقی و اونلارین کانادادا اولان تمثیلچیلری باخالیم بو اولایا نه ته پکی وره جک لر.بونلار گچه ن ده ارمنی یان داشی و آزربایجان علیهینه خائینجه کیتاب یازان "اکرم ایلیسی " دن حیمایه ائدیب و فارس دیللی سیته لرده اونو حیمایه ائدیب بیانات و طومارلار ایمضا ائدنلر دیلر.

2-ایران تورک لویون داشیان فعال لار- ایران تورک لویو و ایرانین تورک وطنی و یوردونو تبلیغ ائدن فعال لار و " گونئی آزربایجان ایران دئیل " پانکاردینا منفی باخیب ، ناراضیلیق لارین بیان ائدن لر، بو اولاین باشدا گئدن موخاطب لرین دن دیلر. بونلار بو اخلاق سیزلیق لارا و دوشمانچیلیق لارا ده دیک لرین آرتیق ماراخ لا بکله مه می بیان اتمه لییه م.

3- پان ایرانیست آزربایجانلیلار: بونلار هر فورصت دن آزربایجان دئولتی  علیهینه تاویر گوسته رن و تورک لوگه سالدیران ذهنیت لر و قوزئی آزربایجانی آران آدلاندیران لار بو اولایین دیگر موخاطب له ریدیلر. باخالیم و گوره لیم بونلار بو آیدین بیاناتا که آزربایجانین ، قوزیی و گونئی یوخدو و آزربایجانلیلار آرازین هر ایکی طرفینده فارس و ارمنی دوشمانیدیلار وآزربایجان تورک لرینه شرف سیزجه یامان لارا تپکی لری چوخ ماراخلی اولاجاق دیر.

آرتیق ارمنی بایراقینین فوتبال قارشیلاشماسیندا نه ایشی اولار کی ؟ بو آیدین بیر مساژدیر : قره باغین آچاری گونئی آزربایجان دا و تبریزده ساخلیدیر. قوزئی و گونئی بیردیر. دوشمان و اونون موتفیقلری آیدین دیر و تک جومله ده "گونئی آزربایجان ایران دئیل ".