رنا دیشا آدلی مؤلف داشناکلارین قارسی ائرمنیستانین پایتاختی ائتمک باره‌ده سرسم ادعا‌لارینا جاواب اولا‌راق قلمه آلدیغی “باشکنت قارس” آدلی یازیسیندا آزه ربایجانلی بستکارین ایلگینج حیکایه سین اورتایا چیخاردیب. یازارین بیلدیردیگینه گؤره، 6 اکتبر 1924-جی ایلده مصطفی کمال آتاتورک قارس شهرینه سفر ائدیر. مصطفی کمال دمیریول دوراغیندا ماهنی ایله قارشی‌لانیر:
خوش گلیشلر اولا مصطفی کمال پاشا،
عسگرین، میللتین، بایراغینلا چوخ یاشا.
جبهه ده سونگولر آینا کیمی پارلاییر،
آزری تورکلری بایراق آچمیش بکلییر.
پارلایان اولدوزون عالمی تئنویر ائدر، (ایشیقلاندیرار )
جومهوریت بایراغین سما‌لار ایچره اوزر.
بو ماهنینین بستکاری آزربایجانلی تاغی اوشن یوزن دیر. همین واخت آتاتورک بستکاری اؤدوللندیریر و اونا 500 لیره لیک چک یازیر. چوخ کاسیب اولان بستکار اؤلنه دک یوخسوللوق ایچینده یاشاییر. بو یوخسوللوغا دؤزمه‌ییب سوندا اینتیحار ائدیر.
و ان دویغو وئریجی...اؤلوموندن سونرا اونون ائویندن همین 500 لیره‌لیک چک تاپیلیر. معلوم اولور کی، یوخسوللوغا، سفالته باخمایا‌راق، بستکار چکی پولا چئویرمه میشدیر، اونا گؤره کی، چکده محض آتاتورکون ایمضاسی وارمیش...
جانینا قصد ائدن یوخسول بستکار آتاتورکون ایمضاسینا قییماییب...
