۱۳۹۲ اسفند ۱, پنجشنبه

آنا دیلی گونو و فارسجا آزربایجان فعال لارینین یازی و ترجمه لری

دون گجه یونسکو نون گنه ل مدیره سی خانیم ایرینا باکو یووا نین ایلیک ساوین آنا دیلی گونو مناسیبتیله بیر دوستوم فیس بوک وسیله سیله منه گوندرمیشدی و من ده اینگلیزجه دن فارسجایا ترجمه ائدیب نشر اتدیم. سایین افسانه خانیم سایین قالالی طعنه ایله یازمیش بو ترجمه یه بویوک امه ک وریلمیش و بو نووی چالیشمالار ، ترجمه لر و کلاً آزربایجان فعال لارینین فارسجا یازیلاری بیر داش دیر کی اوزوموز طرفیندن اوزوموزه آتیلیر . بو کیمی الیشدیریلر آیری دیل ده آیری دوسلار طرفین دن ده اولور . 


آنجاق من بو قناعت ده دییلم فارسجا یازماق یا ترجمه یا هر طورلو چالیشما بیزیم حرکتین علیهینه دییل . بیرینجی سی بو سببه گوره کی اله شخصا ً منیم اوزوم آنا دیلینده ایتیم آلمامیشام و حساس موضولاری قلمه چکنده مطلبین حاقین یرینه یتیره بیلمیرم و بو دوروم موضویا ضرر یتیریر و مطلبین حاققی یرینه گلمیینجه موضوع ضرر گورور . یئری وار کی بو کیمی دوسلار طعنه یرینه اوزلری تورکجه یازیلار یازیب چشیت لی موضولاردا نظرلرین بیان اتسینلر آمما تاسف کی بو دوسلاریمیز چوخونلوقلا تورکجه کومنت و ددی قودودان باشقا بیر چالیشمالاری یوخدور . ایذین ورین هرکس بیلدیی کیمین ایشینی گورسون .
ایکینجی سی بو موضوع یانی یونسکو مدیره سینین ساووی بیزدن جوخ فارس جامعه سی و حکومتینه خطاب دیر یوخسا بیر آنا دیلینی اهمیتین بیلریک و اونو بویوک توتوروق . 
اوچونجوسو ، هئچ بیر حرکت ضید استبداد ، راسیسمه قارشی و مدنی حرکت لر گرک قارشیسیندا اولان جبهه نین تورونا دوشمویلر بو نوع باخیش راسیستی باخیش دیر و هئچ فارقی پان ایرانیست لیک له یوخدور. بیز فارس و فارس دیلیله دوشمان یوخ بلکه فارسچیلیق و پان ایرانیست له دوشمان چیلیقیمیز واردیر. (گرچه من اوزوم ده فارس دیلینین ایشغال دیلی اولدوقون قبول الیرم آنجاق بو شرایط ده مجبورن بو دیلی یازیلاریم دا قوللانیرام .)
دوردونجوسو بو کی بو یازیلار اویونو دوشمانین ساحاسینا آپاریر داها کیمسه قارشی طرف دن دیه بیلمز بیز بیلمیردیق ، اشیتمه دیک ، اوخومادیق . فارسجا یازایدیز بیزده گوروب دستک ورردیک . یانی هر بهانه نین یولون کسیر. 
بشینجی سی قارشی طرف ده اینسانجیل و اینصاف لی اولان لارین دستیین جلب ائدیر . گونی آفریقادا ماندلا حرکتی، هیندوستان گاندی حرکتی ، آمریکادا آغلارین قارالارا یاپدیقلاری راسیسمی دوردورما حرکتی و داها داها حرکتلر فارشی طرف دن سمپاتیزان بولوب حرکتلرین قولایلاشدیرمایا چالیشیبلار و بیزیم فارسجا چالیشمالاریمیز بو کیمی فرصت لر قاباعیمیزا چیخاردا بیلر. 
سونون دا بو دوسلاریمیز لوطفن بویورسونلار اله هئچ اولما سا بو ساوی آزربایجان تورکجه سینه چئویرسینلر دیگر وطنداشلاریمیز ایستیفاده اتسین لر. اینانین ددی قودو و سرزنیش حرکتیمیزه هئج طورلو یاردیمی اولمایاجاق چالیشماق لازیم دیر. 

تایماز اورمولو