۱۳۹۲ اردیبهشت ۱, یکشنبه

دارلک ده نه اولدو- سولدوز هفته سی موناسیبتیله بیر یازی


فروردین آیینین 31نجی گونو 1358گونش ایلی سولدوز واقعه سینین قانلی گونلرین خاطریمیزه گتیریر. بو مناسیبته غربی آزربایجان مودافعه کومیته سی هر ایل اوردیبهشت آیینین بیرینجی هفته سین سولدوز هفته سی ایعلان ائدیبدیر. من اوز نوبه م ده نچه ایلدیر چالیشمیشام  یازی لار یازماق لا بو گونلرین خاطیره سین دیری ساخلاییب الیم دن گلدیی قدر کورد تروریسمی و تروریست لرین آزربایجان توپراقلارینا تاماح گوزلرین خالقیمیزا عیان ائدیب میلتیمیزین داهادا آییق اولمالارینا آزجیق دا اولموش اولسا یاردیم ائده م .
کورد تروریسمی سولدوز ساواشیندا بویوک داربه ییب حزیمته اوغرادی آنجاق تمامن شیکست یمه دی. اونلارین یاراتدیقلاری فاجیعه لر بوگونه قه در ایدامه سی وار و ایندی کورد ایستیلاسی ایقتیصادی جنبه آلیب و کورنازجاسینا سینسی(موذی) و یاواش ایله رله ییر. اونلار کیرلی پول لار و پان ایرانیسم مفکوره سینین یاردیمیلار توپراق لاریمیزا صاحاب چیخمایا ایدامه وریرلر.

آنجاق منیم اوچون اونملی اولان قونولاردان بیری توپراقیمیزین یولون دا وریله ن جان لار و توکولن قان لاردان یاد اتمه ک دیر. سویوق بولاق (مهاباد) دان  15 کیلومتراوزاقلیق دا اولان دارلک ماحالی نچه پارچا کتدن او جومله دن گوی تپه و دارلک کندلرین دن عیبارت دیر. بوماحال اورمیه شهریندن 95 کیلومتره اوزاق دا دیر.  دارلک عسگری موقعیت ده چوخ مومتاز بیر یری وار ، مهابادین آچاری و اورمو – قوشاچایین کلید نوقته سیدیر. دارلکه هرکسه صاحیب اولسا هم سویوق بولاقی هر تعروض دن قورور و همچنین  اورمو – قوشاچایین یولو اونون الینده اولار.

17خورداد 1360 اورمونون گروه ضربت عسگری واحیدی مهدی امینی قوماندان لیقیلا بو منطقه ده تروریست کورد قروپ لاریلا ساواشا گیریر. بو گون 36 نفر قانلارین توپراقلاریمیزا هبه ائدیب نتیجه ده قوشاچایین یولو آچیلیرو سویوق بولاق منطقه سی تروریست لرین الیندن آزاد اولور.بو عملیات دا ژاندرمری و ارتشین ده ایشتراکی وار و دوشمن دن چوخلو تلفات آلینیر.ستار جوانبخت و احمد بوداقی و بیر نفر که آدی معلوم دئیل مهدی امینی ایله بیرلیک ده شهید اولورلار. بلانچو آغیردیر 36 شهید.الیمیزده اولان معلوماتا گوره او ساواش دا بیرده ، بیر هلیکوپتر دوشور و پیلوت دا شهید لرین ایچینده یر آلیر.



دارلک واقعه سینین شهیدلر لیسته سی :


مهدی امینی ،علیرضا مکاری، اکبر خیرالهی، عوض حبیب زاده، جهانگیر فتحی، کریم جمالی، محمد تقی آقاپور،  علیرضا عزیزی، محمد باقر آذردیزج، محمد دهقانی،  نورالدین خلیلی، رحمت عباسی، رسول مختاری پر، بهمن اردوخانی، نعمت شرافت ، میرزا علی واحدی،‌ معصوم قنبری، عباس زماندوست، ، رحمت فرهادی، کاظم وطن خواه، کریم میرزائی، علیشاه بیرامی،‌ حیدر رحیمی ،حجت گلستانی‌، میرزا آقا محمد نیا،‌ شهید احمد علی غنی پور،‌ محمد پیرزاده‌، حسن عظیمی، جلیل عظیمی‌، جمال رضازاده، ستار جوانبخت‌، غلامرضا رنجبری،‌ پرویز همت پور،‌ صفر علی بقایی‌، مختار آذرخش پر وحکیم محمد حسین پور



شخصاً خاطیرمه گلیر بو شهیدلری توپراقا ورمه مراسیمی اورمو اهالیسینین بویوک ماراخ و ایشتیراکیلا گچیریلیب و تروریست لر شیدت له لعنت لنیب قینالیل دیلار. تاسفله آزربایجان لیلار مین لرجه شهید بو یولدا وریبلر و بو فاجعه لر حالا دوامی وار.



شهیدلرین آغیرلاما و توپراقا ورمه توره نین دن شکیل لر: