۱۳۸۹ بهمن ۲, شنبه

سئودالی اورمو- د. لطیف

اسه ن  یئلدن   خبر  توتدوم  اوروم  احوال و  حالیندان
كی شوور اولموش بوتون ائللر او  سئوگلی خيالیندان
نسيم جننه تین  خوشدور  دولور  شربت كيمی  جانا
آخير بال  چشمه لر  نهری  اوجا  داغلار  محالیندان
صفالی  خاطرات  اولموش  مثال  باده دير   عطرین
قلملر  هم  اوره ك سؤيلر   نه جؤ ر  وصف  جمالیندان
خبرتوتدوم  اسن  يئلدن نشان بولدوم قيزيل گولدن
عجب  شور  ائله ير   بولبول   مئی ناب  وصالیندان
نشاط عشقی سن سورسان او ثبت اولدوخيالیمدا
 نه جؤ ر  مسحور  اولوب  گؤزلر   او  زينه تلی   كمالیندان
اگر ال  وئرمه یير وصلت کدردیر سانکی  بوحسرت
خبرسيز  قالماير  كؤنلوم  سورور هرگون   ره والیندان
اوزوملو  باغلارين  بحری  کی  ثروتدير  او  درياچه ن
اسن يئللر و  هم داغلار كی سحر اولدو  جلالیندان
 نه جؤ ر    مشهور   عالم  دير   جمالین   بو   گؤزلليكلر
گؤزللرعشوه سی خوشدوركی لطف اولسا مجالیندان
لطيف جوشموش اگرعشقین  نه جؤ ر توفان ائدیرکؤنلون
او   سئودالی   وطن   بيلمیر  بو   گرداب  وبالیندان