یول خریطه میز تبریز مرکزلی واحید آزربایجان (باتی آزربایجان و اورموگولو قیرمیزی چیزگیلریمیز) - تبریز لی بای بک جنابلارینا جواب

دیرلی دوست چوخ تشکور الیرم که هم منیم ناچیزانه یازیمی یاییم لاماقدا و میلتیمیزین قولاقینا جاتدیرماقا یاردیم ائدیب سینیز و هم اوز نقطه نظرلریزی جواب اولاراق قلمه آلیب سینیز . 

بوتون اولاراق یازینیزین محتوا سیلا چوخونلوق لا راضیام ، البته بو مانع اولماز اعتراضیم اولان نوقطه لری عینوان اتمیه م . بوندان دا چوخ تشکور اتمه لیم کی بو قونودا دانیشیق و بحثین یولون آچدینیز. من ده سیزین کیمین اینانیرام بیز بیر نچه جبهه ده ووروشماقیمیز لاریم دیر و

بونا دا هئچ شوبهه م یوخدور. آمما بوتون میلت لرین بیزه قارشی اولدوق لارینا اینانمیرام . دوغروسو بو کی رقیب میلت لرین عاقیللی لارینین بله دوشونمه دیک لرینه اینانیرام ، حتی کوردلرین ایچینده عاقیللی اینسانلارین اولدوقونو بیلیرم آمما اونلارین آزربایجان دوشمانلیقینین موداسینین اونون نجه کسه بیله جک لر تارتیشما یریدیر.
اونلاردا من و جنابیز کیمین بیلیرلر کی یانان بو اود ، ایکی میللته ده چوخ بویوگه باشا گله جک دیر. منیم اونردییم و اوستونده تاکید اتدیگیم نوقطه لردن بیری بودور کی بیز هر نظردن آماده اولوب حاضیرلیقدا اولمالییق دوشمان لاریمیز بیزی گوجلو گوردوک لرینده یاواش لیاجاق لار و بو بیزه چوخ اونملی دیر و اله بو اوزدن دییرم تشکیلات لار و فعال لار گلسین لر و بیر نوقطه ده ایش بیرلیگی یاپسین لار . من شخصاً بیلیرم بیزیم یاپیسال و دوشونجه یونون دن قروپ لاریمیزین اتحادی مومکون دئیل ! حتی بلکه مصلحت ده دییل و بو پلولاریزم گله جک ده بیزی دیکتاتورلارین اسیر اولماق دان قورویادا بیلر . آمما بو حساس شرایط ده توم تشکیلات لار و قروم لار مشترک بیر هدف اوچون محدود ایش بیلرلیگی یاپا بیلرلر. منیم بونا ایمانیم وار چونکو بوندان سونرا آیری یولوموزدا یوخدور.

البته من و چوخون لوق لا خاریج ده یاشیان لار بیلیرلر هم تورکیه و هم قوزئی حاکمیتی تشکیلات لاریمیزدا بللی کسیم لر و اینسانلاریندا نفوذ ائدیب لر و بو وسیله ایله اوز منفعت لرین قورویوب و حرکتی بللی زامانلار دوردوروب و یا باشقا یرلره چکیرلر. من بو قونونو اوسته چوخ دانیشمیاجاقام چونکو چوخ حساس مقام دیر. آمما بو آنناما گلمه سین کی بو آدام لار مصونیت صاحابیدیلار و بو مسئله نین اوستو هئچ زامان آچیلمیاجاق !فقط هم بو آدام لار و هم دوغرو دوزگون وطن سئورلر بیلمه لیدیلر کی میلتیمیزین منفعت لری و ایکی قیرمیزی چیزگی یعنی تاریخی اراضیمیزین بوتونلوگو و اینسانلاریمیزین جان و ناموس لاری خطره دوشسه هئج بیر گوج منی دوردوراماز و گوزومو باغلاییب آزیمی آچارام ...

دیگر مقام کی سیزین له راضی دییلم سیزین قرائتینیز شیعه دن دیر. من  "شعوبیه بزرگ ترین نهضت جعل تاریخ و دروغ سازی " یازیم دا بو قونونو آیدین لاتماقا چالیشمیشام . فارس میلت چیلیگی 800 ایللیک تفکر و ارگانیزه بیر حرکتین محصولودور ، تورک لر اوزللیک له صفوی دودمانی شاه اسماعیل دان شاه عابباسا قدر قیزیل باشلیق یعنی تورک لرین شامانیزم دن گلدیگی اینانجلار و اونون اسلام کوینه یی گیرمیش ورسیونون برپا اتمیشلر و او ایناج یاخین دان اوزاق دان شیعه چیلیق خصوصاً 12 ایمام لیق یا ایمامیه شیعه چیلیق له ایلگیسی یوخدور و فارس لار پایتخت اصفهانا کوچدوک دن سونرا دین و مذهبی چویریب بو حالا گتیرمیشلرو حاضیر شیعه چیلیق آزربایجانا یاراری یوخ بلکه زیققیم آغاجیندان داها دا ضررلی دیر.شیعه چیلیق نه قدیر گوجلنسه میلیت چیلیق او قدیر یاواش لیاجاق و بیز تورکیه نین بو گونکو دورومونا دوشه جییک . بو گون اردوغان و سوننی پاترون لار ، ایش آدام لاری و سیاست چیلر تورکیه نین عالی منفعت لرین بوش آرزولار و مالیخولیایی یوخولارا فدا ائدیب و تورک دونیاسینی ان گوجسوز حاله گتیرمیشلر. بئله گتسه یاخیندا تورکیه نه کی تجزیه اولاجاق بلکه حتی بوتونلوک له محو ده اولا بیلر و گله جک ده ایاقا دورماسیدا چوخ شبهه لی اولا بیلر.

دیگر مقام  ، اشاره اتدیگینیز مناظره و تشکیلات لاری بیر آرایا گتیرمک دیر . من گونئی آزربایجان کونسیی آنکارادا تشکیل اولاندا دیرنیش تشکیلاتینین نماینده سی اولاراق او توپلانتیا قاتیلدیم و اوردا کونسیین تشکیل اولونماسین مصلحت گورمه دیم و اوزوم ده توپلانتینین بو مرحله سین دن کناراچکیلدیم و اوردا چیخیشیم دا ددیم هله بیز اوز ایچیمیزده بیر بیریمیزله دیالوقا گچه بیلمه میشیق نجه اولا بیلر بیر گجه ده هاممیمیز بیر نوقطه ده متحد اولاق ؟!
 اله بو ایرادی گونئی آزربایجان سورگون ده تشکیلی تشبثاتینادا اعتراض ائدرک بیان اتدیم . من اینانیرام موجود اختلاف لارنان بئله بیر شیین ایمکانی یوخدور آنجاق و آنجاق ساعات لار و گونلر بیر آرایا گلیب دانیشیب بعضی توافق لره چاتدیق دان سونرا بو ایشلر انجاما یتیشه بیلر.

آمما ایندیلیک سون نوقطه اولاراق بیان اتمه لیم من ده سیزین کیمین واحید ، تبریز مرکزلری آزربایجان دوشونجه سینه اینانیرام و اونون دا ایکی ستونو وار اورموگولو میلتیمیزین وارلیق دلیلی و محو اولوشونون ان بویوک آراجی و باتی آزربایجانین مودافیعه سی. باتی آزربایجانی دوشونمیه نلر و یا خود او خیردا عاغیللاریندا حاکمیت له تعویض اتمه دوشونجه و سئوداسین دا اولان خایین لر قوزئی حاکمیتی کیمین فساد دولو محلی و شخصی حاکمیت دالیجادیلار تا اونون کولگه سین ده شخصی منفعت لرین قورویوب حتی مقام و دونیا مالینا جاتسینلار. اونلاردا اوز آدلاری کیمین امین اولسون لار بو خام خیال لارین گورا آپاراچاق لار. منیم گووندییم خالقیمیز و آدسیز سانسیز قهرمان لاریمیزادیر و اونون مرکزین ده گونئی ده و تبریز - اورمیه آکسه لینده گورورم ، یوخسا آیدا فیلان قدیر پارا آلیب بازو بویودوب قولاخلارینا سیرقا تاخان لار و فیس بوک دا جانبازلیق ائدن لره دئیل ...

آتا لار دمیش که ن ایندیلیک بو قدر آمما مطلب اوزون دور و انجاما یتیشمیین جه اوتورماق بیزه حرام دیر. سون دا هرکس دن ایستیرم گلیب فیکیرلرین پایلاشسین لار خصوصن آدلارین گچمیش یازیم دا چک دیکلریم دوروما آیدین لیق گتیرسینلر.  و بونو بیلسین لر کی ال چک دی یوخدور ، چونکو بوتون تشکیلات لار گرک بو قونودا فیکیر و پروقرام لارین اعلان اتسین لر یوخسا امین اولون اوزلری تاریخ و خالقیمیزین قاباغین دا پریشان و روسوا اولاجاق لار...

تایماز اورمولو - واشینگتون 

باهار 2014

....................................................................

یازینین سابیقه سین تعقیب اوچون آلت داکی لینک لره تیخلایین :

http://qaraqasqa.blogspot.com/2014/06/blog-post_16.html

http://qaraqasqa.blogspot.com/2014/06/blog-post_19.html#more