اوتوز ايل بير صيفه‌ت ايله ثابيت دايانديم و هئچ بير آزغين يولا
چاشماديم و تورك اولدوغومدا ابه‌ده‌ن سويوقلوق و تيتره‌مه‌ك تؤره‌نمه‌دي.
دوشمه‌ن يالنيز اؤزگه دئييل. ايچيميزده چورويه‌نله‌ر، اؤزگه‌له‌ره
موطمه‌يين سنگه‌رله‌رديرله‌ر. ميللي ناموسا وفادار اولان تورك عسكه‌ري
بونلاري اونوتماماليدير.
انجومه‌نله‌رين و جمعييه‌تله‌رين ايچينه گيره‌ن سولچولار قاباقجادان
نوفوذ ائتمه‌ك اوچون تعليم گؤروپ و تمرين ائديپله‌ر و سونرا ميللي و هر
عونوان ماسقاسين ووراراق ميكروبلار كيمي انجومه‌نله‌رين و جمعييه‌تله‌رين
ايچيني
چورودوپله‌ر و سونرا اونون لاشه‌سينده‌ن تغذييه ائتمه‌ك
باشلاييپلار. ..... ماركسيستله‌رين موعه‌ييه‌ن بير زامانا كيمي ميللي
آدلاردان ايستيفاده ائتمه‌يي و اؤزله‌ريني اونا طره‌فدار گؤسته‌رمه‌كله‌ري
بير تاكتيكدير نه هده‌ف. اونلار ميللي اولانلاري بورژووازيني ييخماق اوچون و
بو يوكو مقصه‌ده چاتديرماق اوچون حامبال بيليرله‌ر..... لاكين سولچولار
يوك مقصه‌ده چاتاندان سونرا ميللييه‌تين دريسيني سوياجاقلار. .... بونلاري
دوشونه‌ره‌ك گره‌ك بيلمه‌ك كي بوگونكو آزه‌ربايجان آدلي انجومه‌ن و
جمعييه‌ت سولچولار يوواسي و تله‌سيدير نه ميللي بير انجومه‌ن و يا
جمعييه‌ت....
مشروطييه‌ت دؤورونده اؤز اليميز ايله تورك تؤره‌سي اولان قاجاري ييخديق.
هابئله فيرقه‌ده ميللي آد ايله اوزه‌ريميزه روس قييافه‌سينده كومونيستله‌ر
چيخدي و سونرا روسلار بيزيم اوستوموزده آمئريكاليلار ايله موعاميله ائديپ
بيزي كؤهنه دوشمه‌نيميزين الينه تاپشيرديلار. و يئنه حيزب-ي توده‌نين
وعده‌له‌رينه اوياراق اومودوموز داشا ده‌يدي.
ظاهيره‌ن هئچ بير اده‌بي محفيل اولابيلمه‌ز كي اوندا بو مريضله‌ر و بو
ميكروبلار اونا داراشميش اولسونلار و اونون دوزگون يولوندان آزديرماسينلار.
حتتا موعه‌ييه‌ن حيزبله‌ر و ايدئولوژي تشكيلاتلاري اؤزله‌ري بو
انجومه‌نله‌ري تشكيل وئره‌رله‌ر. ...... تورك خالقيندا بئله بير آزليغي
(كمبودو) چوخدان بري دوشونه‌ن و دويان لوتولار هر زامان كمينده ياتقديقلاري
كيمي بوگون ده كيمينده‌ن چيخاراق "آزه‌ربايجان" انجومه‌ني و جمعييه‌تي
تشكيل وئره‌ره‌ك ميللي هووييه‌ت و تشه‌خخوصونه جاندان بئله وورقون
اولانلارا دا دام و كله‌ك قورورلار كي ميللي اولانلار هله ياخشي بيلميرله‌ر
كي بو اونلاري مرام و مسله‌ك(له‌رينه) چكمه‌ك اوچون بير وسيله‌دير نه هده
ف.
ايران توركونون كولليياتي آدينا آزه‌ربايجان كليمه‌سينه ايمامزادالار
كيمي دخيل دوشه‌ن موعاميله‌چي سولچولارين بيلمه‌يه‌نله‌ري هئچ، ولي
بيله‌نله‌ري نين گوناهلاري بؤيوك تورك تاريخيميزده اونوتولماياجاقدير.
بونلار دا، همان بير نووع اينگيليس فئوداللاري و روس تئزارلاريديرلار.
چونكو اوتانماسايديلار و ال‌له‌رينده‌ن گلسئيدي، ايسلاو ديلينده
دانيشارديلار. حتتا آزه‌ربايجان كليمه‌سيني ده بونا گؤره چئينه‌ييرله‌ر كي
آناديلله‌رينه وفالي و صاديق قالانلاري بلكه بو كله‌ك و حييله ايله جلب
ائتسينله‌ر.
آزه‌ربايجانلي اولماغي تورك`ون كوليياتي اولماق بيله‌نله‌ر و بو آدي
طمطه‌راق ايله چكه‌نله‌ر، گره‌ك بيلسينله‌ر كي يئنه ده طمطه‌راق ايله كيچيك
قافاليديرلار و يا باشقا نييه‌تله‌ري واردير. اؤزگه‌له‌ر بيزه تورك
دئمه‌كده‌ن چكينميرله‌ر ولي اؤزوموزونكوله‌ر جين بيسميللاه`دان قورخان
كيمي اوشونورله‌ر. چونكو يا اؤزله‌رينه ائعتيماد-ي نفسله‌ري يوخدور و يا
باشقا يئرله‌رده‌ن دستور و يا ديكته بئله‌دير.
قافقازا فهله‌ليييه و پول توپلاماغا گئده‌نله‌ر، اورادا همشه‌هري آدي
ايله تحقير اولوپ و ايراندا دؤندوكده‌ن سونرا موهاجير آدي ايله طرد
اولانلارين، آزه‌ربايجاندان سوواي، ايران`ين هر نوقطه‌سينده ياشايان
توركله‌ري بيلمه‌ديكله‌ري اوچون، آزه‌ربايجان كليمه‌سيني تورك`ون كولليياتي
بيليرله‌ر و بيله‌نده‌ن سونرا دا عاده‌ت و خوي اولدوغو اوچون، بو كليمه‌ني
كوللييات آدي ايله بيزه ده تحميل ائديرله‌ر. اؤلكه‌له‌ر آواره‌له‌ري، جان
ديده‌رگينله‌ري اولان بو جاهان وطه‌نله‌ر، قافقازدا اولاندا ايرانلي`يام و
ايراندا اولاندا قافقازلي`يام دئديكله‌ري و اؤيره‌نديكله‌ري اوچون، هله ده
ثابيت بير ميلليييه‌ته و وطه‌نه عاده‌ت ائيله‌مه‌ييپله‌ر و بيزيم آديميزا
وكاله‌ت ائديپ و شوعارلار بيراخيرلار.
بو آقالار اصلينده تورك`و تورك قبول ائتميرله‌ر. اونا فلسه‌فه‌له‌ر،
افسانه‌له‌ر، اوسطوره‌له‌ر ياپيشديريرلار. اؤزونه چيمخيريرلار كي آدام اول،
سؤز ائشيت، سن تورك دئييلسه‌ن، سن آزه‌ري`سه‌ن. سن سونرالار تورك اولوپسان
و سني تورك ائديپله‌ر. و هابئله سن آزه‌ربايجان آدلي قفه‌سده‌ن ائشييه
چيخماماليسان.
بو (تورك) ديلي و اونون دونياليق اولدوغونو تانيماق اوچون، و اونا
درينده‌ن اينانماق اوچون هر شئيده‌ن اه‌ووه‌ل لازيمدير كي آزه‌ربايجان آدلي
قفه‌سده‌ن و بو يووادان باشيميزي ائشييه چيخارديپ ايران`ين هر يان(ين)دا و
هر نوقطه(سي)نده اولان اصيل توركله‌ري تانيياق. هابئله اونلارين حتتا
بيزده‌ن ده دوزگون دانيش(دي)قلاري ديله و كاميل لوغه‌تله‌ري(ني) گؤز ائوينه
آلاق. آچيقجاسي بو كي اصلينده بونلار بيز و بيز اونلاريق. بونا گؤره بو
بؤيوك وعظه‌مه‌تلي وارليغي درينده‌ن دوشونمه‌ك اوچون، گره‌ك و لازيمدير كي
اه‌ووه‌ل بيزه آزه‌ربايجان بيچيمينده ميلله‌ت جيزيغي چكه‌نله‌رين اساره‌ت
جيزيقلاريني پوزاق و كؤكوموزه وورولان پاسلاري سيله‌ك. سونرا گئچميشده‌ن
تجروبه آلاراق آيدين گله‌جه‌كده حاق يولوندا چاليشماغا باشلاياق.
ايران توركله‌ريني يالنيز آزه‌ربايجان آدلي قفه‌سده دوستاق ائده‌نله‌رين
حييله‌سيني هله‌ليك بوتون ايراندا اولان تورك قارداشلاريميز آيدينجا گؤز
ائوينه آلماييپلار و بوگون روسييه`ده، آوروپادا، ايراندا بيزه تورك يئرينه
آزه‌ربايجانلي آديني گوج و سماجه‌ت ايله تحميل ائده‌نله‌رين هده‌في بودور
كي بيزه تلقين ائتسينله‌ر كي تورك فقه‌ط آزه‌ربايجاندا اولابيله‌ر. او
يئرده اولان زامان (دا)، هله تورك يوخ، بلكه "آذري" آديني آلابيله‌ر. بس
گؤرونور كي آزه‌ربايجان و آزه‌ري كليمه‌له‌ريني نه اوچون سماجه‌ت و گوج
ايله ايشله‌ديرله‌ر.
ايندييه كيمي بيزي "آذري" خطاب ائده‌نله‌رين گيزلين نييه‌تله‌ريني هئچ
بير كره‌ن ده و هئچ بير دفعه ده آراشديرماميشيق و هئچ بير يول دا اؤزوموز
اؤزوموزده‌ن سوروشماميشيق كي بو ديره‌شمه‌نين و بو ايصرارين عيلله‌تي
نه‌دير؟ و يا جمعييه‌تيميزين و حره‌كه‌تيميزين يولا دوشه‌ن گونله‌ري،
تله‌سه تله‌سه ايچينه قاتيشان كيم اولدوقلارينين و نه ايسته‌ديكله‌رينين
عيلله‌تي گؤز آلتينا آلماميشيق. چونكو اؤزوموز ده جمعييه‌تيميزين و هابئله
حره‌كه‌تيميزين ايلك و سون باخيشينين و نه يئره گئده‌جه‌يييني و نه جوره
گئده‌جه‌ييني و سونرا نه اولاجاغيني درينده‌ن اوخوماميشيق و دوشونجه‌ميزه
تاپيشيرماميشيق و بونلاردان موهوم اونا وفالي بير عسكر اولماميشيق