بو " آنلاشما " 16 ماده دن تشکیل تاپاراق قاجار اوردوسونون مدرن لشمه سی
اوچون ایکی دؤلت آراسندا باغلانمیشدیر .
اوچون ایکی دؤلت آراسندا باغلانمیشدیر .
"فین کن اشتاین آنلاشماسی " فتحعلیشاه طرفیندن امضالاناندان سونرا ، اورمولو عسگرخان افشار ، فتحعلیشاه طرفیندن بیر سیاسی دیپلمات و نماینده عنوانیندا ناپلئون دربارینا گوندریلمیشدیر .
آذربایجان تورکجه سینده یازیلمیش " فین کن اشتاین آنلاشماسی " ندان بیر نوسخه فرانسانین تاریخ موزه سینده ساخلانیلیر .
آشاغیدا ، بو آنلاشمانین متنی بوگونکو رسم الخط ایله اوخوجولارا تقدیم اولور :
فین کن اشتاین آنلاشماسی
———————————-
فیرانسا ایمپراتورو و ایتالیا پادشاهی جنابلاری و ایران شاهی ساعاد‌تگاه جنابلاری اتحاد عهدنامه سی ایله محبتین بنالارینی مثبوت ائتمه‌سینه خواهیش ائدیب، بناء ن علیه رخصت کامیله ایله رخصتگزارلاری تعیین ائدیب. یعنی:
-فیرانسا ایمپراتورو و ایتالیا پادشاهی طرفیندن دؤلتین وزیری و سرکاتیبی اعظ‌م، چلنک- همایون ایله و باویر و باد دؤلت لری نیشانلاری ایله مشر‌ف اولان موسیو رئ هوک بئرنار ماره نام مامور؛
-و ایران شاهی صاحیبی دستگاه و ساعاد‌تگاه طر‌فلریند‌ن سفیر بی نظیر عالی جاه و رفعتگاه میرزا محمد رضا خان ، قزوین شهری نین ناظیری و محمد علی میرزا حضر‌تلری نین وزیری و مشار الیها رخصتنامه‌لرینی تبدیل ائیله‌دیکد‌ن سونرا ادنا.دا مشروح اولان ماده‌لری ربط ائتمیشلر:
ماده ١
فیرانسا ایمپراتورو و ایتالیا پادشاهی جنابلاری و ایران شاهی سعاد‌تلری مابئینینده صلح و محبت و اتحاد انشاآللاه تعالی مستدام اولسون.
ماده ٢
فیرانسا ایمپراتورو و ایتالیا پادشاهی جنابلاری ایران شاهی جنابلاری نین دؤلتینده اولان مولک لرین حراستینه کفیلدیر.
ماده ٣
گورجوستان اقلیمی نین حلالآً ایران شاهی نین مولکو اولدوغونو فیرانسا ایمپراتورو و ایتالیا پادشاهینا مشخص و معلومدور.
ماده ۴
فیرانسه ایمپراتورو و ایتالیا پادشاهی روسیه دؤلتینی گورجوستاندان اخراجا و بوتون ایران خاکیندان اخراج و ترکینه مجبور ائیله‌مه‌لری اوچون و مستقبل عهدنامه‌ده ایشبو شرطین مخصوص تضمینی اوچون تماما و کلاً جهد ائده‌ر‌م دئیه، تعهد ائیله‌ییر ؛ چونکو بو ماده دایماً ایمپراتور مشارایله جنابلاری نین دؤلت ایشلرینده و عالی همّتینده‌دیر
ماده ۵
فیرانسا ایمپراتورو و ایتالیا پادشاهی طر‌فلریند‌ن بیر سفیر – روخصتگزار- متعیین، ایران شاهی نین در- سعاد‌تینده مقیم اولسون.
ماده ۶
ایران پادشاهی جنابلاری نین پیاده عساگیرینی و توپلارینی و قالالارینی فرنگ معرفتی اوزره تعلیم و ترتیبینه اشتیاقینی بیلدیریب، فیرانسا ایمپراتورو و ایتالیا پادشاه جنابلاری بونا بناءن توپ- سفریه و حربلی توفنگ شاه طر‌فینده لازیم اولان نه قد‌ر مطلوب اولورسا ارسالینا تعهد ائیله‌ییر؛ و بو سیلاحلارین قیمتی فر‌نگیستان قیمتیله مدفوع اولونا.
ماده ٧
ایران دؤلتی نین قالالارینی فرنگ عاد‌تی اوزره تحصین و توپخانالارینی ترتیب و پیاده عسکرینی تعلیم ائتمک اوچون توپچو و مهندس و تعلیمچی معتبر اوفیسیاللاریندان ایران پادشاهی جنابلارینا نه مقدار مناسیب گؤره‌رلرسه ارسال ائتمه‌سینه فیرانسا ایمپراتورو و ایتالیا پادشاهی تعهد ائد‌ر.
ماده ٨
ایران پادشاهی کندی طرفیندن اینگیلتره ایله هر وجهیله مکاتبه و مراسله نی قطع ائیله‌مه‌سینه و حالاً مذکور طایفه‌یه سفر آچماسینا و دوشمنلیک اوزره حر‌کت ائتمه‌سینه تعهد ائیله‌ییب. بناءن علیه مرسول اولان شاهین سفیری روجوعونا امر اولونا. اینگیلیز کونپانیاسی طرفیندن ایراندا و بند‌رلرینده مقیم اولان بالیوسلاری و سایر وکلاسی اقامتلریند‌ن فی الحال مردود اولا. و اینگیلیز ماللاری و متاعلارینی ضبط ائتمه‌سینه و تجار‌تلری براً و بحر‌آً قطع ائتمه‌سینه پادشاهانه فرمان اولونا. و بو سفرین وقتینده اینگیلتره طرفیندن سفار‌ت اوچون و یا خود دیگر بهانه سیله گله‌نی مردود اولا.
ماده ٩
فی المستقبل اگر روسیه و اینگیلیز دؤلتلری ایران و فیرانسا دؤلتلری اوزه‌رینه اتفاق ائده‌رلر ایسه، فیرانسا و ایران دؤلتلری دخی اتفاق و اتحاد اوزره اولسونلار. ایشبو ایکی دؤلتلرین بیریسی نین طرفیندن عداو‌ت ظهور ائده‌رسه، اول بیرینه رسماّ خبر و دئندییی گیبی دوشمن اوزه‌رینه حر‌کت اولونا. او اثنادا اعلا ماده‌ده شرح اولونان وجهیله عمل اولونا.
ماده ١٠
ایران پادشاهی اغوان [افغان] طایفه‌سیله و سایر قندهار طایفه‌لری ایله اتفاق ائدیب و مملکتلریند‌ن عبوری مشخص اولدوغوندا هندوستاندا اینگیلیزین یدینده اولان مملکتلری تسخیر ائتمک اوچون اینگیلیز اوزه‌رینه تمشییه-یی عساگیر اولونا.
ماده ١١
اگر فیرانسیزلارین بیر دونانماسی ایران دریاسیندا و ایران بند‌رلرینده ظهور ائد‌رسه، اقتضا اوزره اولان تسهیلات و معاونت و محبت- کامیله ایله مقبول اولسون.
ماده ١٢
هندوستانداکی اینگیلیز مملکتلرینه هجوم ائتمک اوچون قارادان بیر لشکر ارسال ائتمه‌سی فیرانسا ایمپراتورونون نیّت لرینده ایسه، اتحاد اوزره ایران پادشاهی لشکر- مذکوری کندی توپراغیندان عبوری وئرسین. ولاکین اؤیله اثنادا مقد‌ماً ایکی دؤلتلر مابئینینده مخصوص عهدنامه مربوط اولونوب و مذکور عهدنامه‌ده نه راهینی متوجه اولاجاقلاری و نه وجه ایله ذخایر و مراحیلات اوچون تداروک گؤرونه‌جکلری و نه میقدار ایران عسکریند‌ن برابر ارسالین ایران دؤلتینه مناسیب اولاجاقلاری بو مذکور عهدنامه‌ده تفصیلاً مشروح اولسون.
ماده ١٣
بوندان اعلاکی مادّه‌لرین موجیبینجه، یاخود دونانمالارا و یاخود عسکرلره هر شئی کی وئره‌رلرسه، ایران اهلینه گیبی قیمتی و باهاسی ایله وئریلسین.
ماده ١۴
بوندان اعلا اونونجو مادده‌سینده مذکور اولان شرطلری فیرانسا دؤلتینه مشخص اولسون. بناً علیه نه اینگیلتره و نه روسیا دؤلتلرینه ایشبو شرطلر هئچ بیر یئرده مربوط اولماسین.
ماده ١۵
تجارین امورلاری اوچون و دؤلتین انتفاعی اوچون تجار‌ته متعلّق بیر عهدنامه تهراندا مربوط اولسون.
ماده ١۶
انشاآللاه تعالی ایشبو عهدنامه-یی همایونون رضانامه‌لری ایشبو تاریخ دؤرت آیدان سونرا تهراندا تبدیل اولونا.
محرراً ایمپراتور- اعظمین اوردوسوندا فنکستن نام فی صفر ١٢٢۲ [ امضا و مؤهور یئرلری ]
..………………………………………………..
آچیقلاما : بو آنلاشمانین اصلی متنی سایین " مهران بهاری " طریقی ایله حاضیرلانان متندن گؤتورولموشدور .
قایناقلار:
The collections of the Museum of the History of France
- AE/III/54/b -
Great record documents the history of France; Anthology
No record 03,700
Museum Fund
Series iron chest and Museum, Museum of foreign documents
Cote AE/III/54/a
Quote original AF / IV / 1702/1er folder / parts 1 and 2
1807/05/04
Document dates
هیچ نظری موجود نیست:
ارسال یک نظر
از اينكه نظرات خود را با رعايت ادب و احترام به ساير خوانندگان وبلاگ مي نويسيد متشكرم