آه ؛
آه ؛ بير بولوت اولسام!
آه بير بولوت اولسام دا ، ياغسام؛
آه بير بولوت اولسام دا ، گورولده سم؛
آه بير بولوت اولسام دا ، شيمشك كيمين چاخسام؛
آه ؛... آه بير بولوت اولسام !...
آلتميش ؛ آرتي اوچ ايلدير كي، ير ده؛گوي ده ؛ بير بير يندن كووس كيمي دير. سانكي بيزلري ايمشي لييب لر ؛ بير حوزون ؛ بير اوميد ؛بير سوينج ؛ بير كدر ؛بير چيرپينما ؛ بير رخوت ؛ بير؛ بير؛ بير ...
آردي آردينا گليپ گدير.هر گلديين ده ،هم من ده ، هم سويداشلاريمين جانيندا ايز بيراخير. بو نادا راضي اولمير روحومدا دامقاسين ووروب گدير.
ئوزومي يوز ياشيندا حيس اديرم !
يوخ!
يوخ!
يانيلديم ، شاشديم! يوز دييل اوچ يوز ياشيندايام!يوخ يوخ دايان غاليبا مين
ياشيندايام!يوخ يوخ دايان مين دييل مينلر ايل ياشيم وار!
ياشيندايام!يوخ يوخ دايان مين دييل مينلر ايل ياشيم وار!
آخي من آذربايجانليام .
نلر گورموشم ؛ نه صفالار سورموشم .نجه ايفتيخارلارين زيروه سينه اولاشميشام. نجه ظفرلر قازانميشام.نجه سوينميشم. نجه گولموشم.نلر ياشاميشام.نلر! بير اوقدرده حزيمت لره اوغراميشام. بو قاحبه فلك منه نلر چكديرميش ؛ نه لر!!!! نجه تاپتالانميشام . نجه سوسدورولموشام . ئوز يوردومدا ؛ ئوز يووا مدا مولتجي اولموشام.ديليم ياساق لانيپ . هدلنميشم .آياق آلتيندا قالميشام.
سوننان قار چيچگي كيمين بوزون ايچيندن ديرچلميشم؛اياغا قالخيب بيرده من ؛ من اولموشام.
بالامي قاردا بورا ندا ارمني كوپگي قادينيمين اليله بوغوب. قودوز جاناوار اليمه كلبچه ووروب. آغزيمداكي قيزيلدان ئوتوري انگيمي سينديريب.ييلماميشام ؛ سينماميشام ؛ بيتمميشم ؛ بيتميه جم ؛ سينمياجام ؛ اودوزمياجام.چونكي سوز ورميشم ؛چونكي قول چكميشم .هم آتالاريما ؛ هم بابالاريما ؛هم ده مندن سونرا گلن بالالاريما.
آخي گلجك بيزيم دير.
آخي گلجك يالچين قايالارين ؛ييلميان لاچين لارين ؛ بلي بوكولمين ؛ صبيرلي ؛ آغيللي خالقلاريندي.گلجك بير خالقينديكي اونون غيرتي ،جسارتي ،ا وميدي ، بيليمي ،خوش گوروسي ،عطوفتي، وطن سوگيسي ، ديرايتي اولا. بونلارين هپسي منده وار . وار اولمايا مجبورام . توكنمه ميه مجبورام .
چونكي سوز ورميشم . چونكي قول چكميشم. هم سلفيمه؛ هم ولديمه.
هم، سن باخ عزيزيم !
همده ؛ سن باخ قودوز دوشمانيم !
گور نجه اولاجاق .
قوي سنه دييم ؛ قوي سنه اله بو گچن يوز ايلدن دييم ، اله مشروطه دن ، تبريز دن ؛ لاله سنگرلرينن ؛ علي مسيودان ؛ ستتار خاننان ؛ باغير خاننان ؛ صيقه الاسلامنان ، دار آغاجلاريننان، حيدر عم اوغلونون بومباسيننان. داشناقين خيانتينن. جيلونون قان دان قيزارميش گوزوندن ؛ اورمونون ؛ سالماسين ؛ سولدوزون كورپه بالالاريننان . سميتقونين آت اويناتماسيننان دييم. قوي سنه عوثمانلي عسگرينين . باكيدا ؛ گنجه ده؛ خويدا ؛ اورمودا جانينين فدا اتمه سيندن دييم. جيلونون ؛ ارمني نينين ؛ كوردون قاچيب سيچان دليينين ساتين آلماسيننان دييم. قوي سنه خياوا نينين مظلوم اولوموندن دييم . قوي سنه پيشه وريدن؛ تهراننان نيظامي روتبه لري بيراخيب وطنه دونوب شهيد اولانلاردان دييم . قوي سنه يير مي بش مين سولان چيچكدن دييم. قوي سنه يتميش بش مين قاچاخدان دييم . مدينه گولگونن دييم . سهراب طاهيردن دييم . سهند دن دييم . سوز سالاري شهرياردان دييم. قوي سنه آذر آيينندا ئولوب كوچه لرده بوراندان قاردان دونانلاردان دييم . قوي سنه اورمودا آسيلانلاردان دييم . قوي سنه ديلي باغلانميش صمددن دييم .قانا بوغولموش بهروزدان دييم. قوي سنه خلق موسلماندان دييم . قوي سنه قاري كورپوسوندن آتيلانلاردان ؛ قوي سنه گولليله قانا بوغولانلاردان دييم . قوي سنه سگيز ايل بويونجا غربده؛ جنوبدا ؛هوردا ؛اهوازدا ؛ ايلامدا ؛سوسوز ئولموش، ئوزي گوزي پارچالانلاردان دييم . قوي سنه باكريلردن دييم. قوي سنه اورمودان ، تبريزدن ،اردبيلدن ؛ خياودان ،خويدان ، ماراغادان ، قوشا چايدان ، سولدوزدان هاراي هاراي توركوم دينلردن دييم . سنه بذ قالاسيندان؛ زهتابيدن ؛هيئت دن ؛ سردارنيادا ن ؛ اله سنين ئوزوندن ، اله باخ .منيم ئوزومدن دييم !
باخ گور بله ميللتين بله اينسانين زوالي اولارمي؟
باخ گور بيزي سيليب ؛سينديريب ؛ بيزي بيزدن آييرانلار نجه بوش فيكير لر سوردورمك دديلر ؟
باخ گور ، بله بير ميللت ، بله يل لر دن ييلار مي ؟
من اينانميرام
سنده ايننانما
آخي گله جك بيزيمدير!
گر قالخساق ييرمي بير آذر ده ، ينه طوفان اولاجاق
گور نجه قان قوپاجاق ،كوهنه قفس لر نجه ويران اولاجاق
وطن آزاد اولاجاق ؛آذري بايجان ينه آباد اولاجاق
اوندا بابكلريميز نغمه سي قالخيب گويه
ميللت ينه شادان اولاجاق